viernes. 12.07.2024

Dez centros educativos de Ponteareas e comarca participarán o vindeiro sábado 16 de abril no Campionato Zona Escolar sub-13 de bádminton, unha competición coa que colabora o Concello de Ponteareas e que nace das xornadas deportivas escolares 2022 postas en marcha entre o Club Bádminton Ponteareas e a Asociación Deportiva Adencopar hai xa case unha década.

Nestas xornadas participa alumnado de primaria do CEIP Feliciano Barrera, CEIP Santiago Apóstol, CEIP Fermín Bouza Brey, CEIP Ramiro Sabell, CEIP Antonio Blanco, CPI de Mondariz, CEIP Infante Felipe, CPR A Inmaculada, CEIP Santiago de Oliveira e CEIP de Leirado. Durante todo o mes de marzo en horario lectivo lévase a cabo a formación técnica e achegamento ás normas, regras e á competición neste deporte.

Dez centros educativos de Ponteareas e comarca participan no Campionato Zona Escolar de bádminton.
Dez centros educativos de Ponteareas e comarca participan no Campionato Zona Escolar de bádminton.

No campionato do 16 de abril participarán os tres rapaces e tres rapazas de cada centro educativo clasificados ao longo destas xornadas. A competición desenvolverase no pavillón municipal do complexo deportivo Álvaro Pino de 16.00 a 21.00 horas. O concelleiro de Deportes, Miguel Bouzó, convida a toda a veciñanza a gozar do torneo e agradece ás entidades organizadoras “o esforzo por seguir cultivando a canteira e dar pulo a un deporte que está a un gran nivel na nosa vila”.

Dende a organización queren dar as grazas “a todos os nenos e nenas participantes pola súa predisposición a aprender e polo seu gran traballo en equipo e ao profesorado pola súa implicación e o extra na formación do seu alumnado”.

Dez centros educativos de Ponteareas e comarca participan no Campionato Zona Escolar de bádminton.
Dez centros educativos de Ponteareas e comarca participan no Campionato Zona Escolar de bádminton.

Ademais do Concello de Ponteareas, na posta en marcha desta competición colaboran a Federación Galega de Bádminton, a Federación Española de Bádminton, Repuestos Ojea, Frutas Santi, Biciebike, Empres Raúl e Confitería Ancla.

Campionato Zona Escolar de bádminton