Ámbito Cultural de El Corte Inglés en Galicia puxo en marcha o II Concurso de microrrelatos "A sorrisa que cambiou todo", convocado por Ámbito Cultural El Corte Inglés coa colaboración da Asociación Galega de Escritores (AGER). O certame premiará creacións de ata 200 palabras que teñan un impacto positivo no lector.
Búscase historias breves, tanto reais como ficticias, en galego ou castelán, cunha extensión máxima de 200 palabras, que transmitan valores como a cordialidade, o respecto, a solidariedade, a xenerosidade e a bondade, co obxectivo de xerar un impacto positivo.
O concurso diríxese a todas aquelas persoas maiores de idade con residencia legal en Galicia, nadas ou non no dito territorio, que cumpran todos os requisitos establecidos nas bases dispoñibles na sección de eventos das webs de El Corte Inglés na Coruña, Santiago de Compostela e Vigo.
Só se admitirá un microrrelato por participante, cuxo texto deberá ser orixinal, rigorosamente inédito e non poderá ter sido premiado en ningún outro certame. A participación será presencial, mediante sobre pechado, a través das librarías dos centros de El Corte Inglés. O prazo de participación remata o 23 de maio ás 22:00 horas.
O xurado estará integrado por escritores, personalidades do mundo da cultura, xornalistas e membros de AGER, que valorarán a orixinalidade, a calidade narrativa e a mensaxe do microrrelato.
O fallo do xurado e a entrega de premios realizaranse arredor do 20 de xuño, coincidindo co Yellow Day, o día máis feliz do ano. Outorgaranse dous premios: un ao microrrelato gañador e outro ao finalista. O primeiro premio estará dotado cunha tarxeta regalo de El Corte Inglés de 500 euros, e o finalista recibirá 250 euros. Ambos serán obsequiados ademais cun pack de produtos culturais.
