viernes. 27.01.2023

Presentación de 'A Retranca'

Félix Caballero presenta o ensaio 'A Retranca. Intento de clarificación', Editorial Galaxia, mañá mércores, ás 20.00 horas, na Libraría Cartabón de Vigo (rúa Urzáiz, 125).
felix
felix

O xornalista e profesor Félix Caballero presenta o ensaio 'A Retranca. Intento de clarificación', editorial Galaxia,  mañá mércores, ás 20.00 horas, na Libraría Cartabón de Vigo (rúa Urzáiz, 125). O autor vai estar acompañado de Pepe Carreiro, humorista gráfico, debuxante e guionista de banda deseñada. 

Félix Caballero é colaborardor habitual de Diario Luso-Galaico.

Félix Caballero Wangüemert naceu en Logroño (La Rioja) en 1967. Vive en Galicia desde 1991. Doutorouse en Investigación en Comunicación cunha tese sobre o humorista gráfico Xaquín Marín. É ademais licenciado en Ciencias da Información (Xornalismo) e gradado en Ciencias da Linguaxe (con mención en Filoloxía Galega). Traballou como xornalista en “El Correo Gallego”, “Riadevigo.com” e “España Exterior”. Ten publicado artigos de investigación sobre o humor en libros colectivos e revistas especializadas. É tamén autor de dez libros –cinco en castelán e cinco en galego–, entre os que destacan “O humor en cadriños” e “O humor en cadriños II” (ambos os dous de entrevistas con humoristas gráficos galegos), “O humor galego alén da retranca”, “Xaquín Marín. Arte e compromiso no humor gráfico galego” (adaptación da súa tese de doutoramento), “Falemos de caricatura” (unha longa entrevista a Siro) e “Jesús, humorista” (un ensaio sobre o sentido do humor na figura de Xesús de Nazaret). Ademais ten no prelo o libro “A retranca. Un intento de clarificación”.

Presentación de 'A Retranca'
Comentarios