Afundación, a Obra Social de ABANCA, albergará nas cidades de Vigo e
Pontevedra a IV edición da Gala Internacional de Ilusionismo Galicia Magic
Fest. Este espectáculo de maxia poderase ver hoxe xoves 26 e mañá venres 27 de
decembro, con dúas funcións cada día, ás 18.30 e ás 20.30 h, no Teatro
Afundación de Vigo, e o domingo 29 de decembro, tamén con funcións ás 18.30 e
ás 20.30 h, no Auditorio da Sede Afundación de Pontevedra. As entradas pódense
adquirir na web Ataquilla.com.
IV GALA INTERNACIONAL
Tras o éxito de crítica e público das edicións anteriores, volve o
espectáculo máis máxico deste Nadal con algúns dos mellores e máis premiados
ilusionistas do mundo. Durante unha hora e cuarto os asistentes poderán ver en
directo os números máis sorprendentes da arte da maxia. Como cada ano o
ilusionista galego Pedro Volta presenta, dirixe e produce este espectáculo
único.
Nesta nova edición os artistas invitados serán, procedentes desde Francia
e Rusia, o dúo Lazer Wizards coa súa performarce con raios láser; desde
Cataluña, Mag Marín, campión da primeira edición do programa Pura magia
de TVE e Premio Nacional de Maxia; desde Italia, Shezan, cun acto único co que
foi premiado no Fism Italy 2015 World Magic Championship of Magic. Tamén
participará o galego Dani Polo, finalista do programa Pura magia de TVE
e, finalmente, Norbert Ferré desde Francia, premio Fism La Haya 2003 Grand Prix
World Championship of Magic.
