A Franqueira volveu latir coa histórica Romaría das Pascuillas

A Romaría das Pascuillas volveu converter A Franqueira nun inmenso punto de encontro para milleiros de romeiros chegados de toda a comarca e doutros puntos de Galicia. Preto de 80 imaxes relixiosas percorreron os camiños ata o santuario nunha xornada cargada de fe, tradición e emoción, marcada tamén pola tristura polo falecemento dun romeiro durante a subida. Estas son algunhas das imaxes que deixou unha das celebracións relixiosas e populares máis antigas e multitudinarias do país.