martes. 25.06.2024

Rueda ratifica co Goberno portugués a prioridade da conexión de alta velocidade Lisboa-Porto-Vigo para o país luso

O presidente da Xunta de Galicia, Alfonso Rueda , mantivo hoxe un encontro co ministro de Infraestruturas de Portugal, Miguel Pinto, no que puido ratificar co Goberno portugués a prioridade da conexión de alta velocidade Lisboa-Porto-Vigo para o país luso: “Estou moi tranquilo e moi satisfeito porque o goberno de Portugal confirmounos que mantén esta intención”, destacou Rueda.
O presidente da Xunta de Galicia mantivo unha reunión en Lisboa co Ministro de Infraestructuras de Portugal
O presidente da Xunta de Galicia mantivo unha reunión en Lisboa co Ministro de Infraestructuras de Portugal

O presidente da Xunta de Galicia, Alfonso Rueda , mantivo hoxe un encontro co ministro de Infraestruturas de Portugal, Miguel Pinto, no que puido ratificar co Goberno portugués a prioridade da conexión de alta velocidade Lisboa-Porto-Vigo para o país luso: “Estou moi tranquilo e moi satisfeito porque o goberno de Portugal confirmounos que mantén esta intención”, destacou Rueda.

Rueda manifestou a súa alegría por manter este encontro, que para el é unha demostración do gran momento de diálogo que mantén Galicia e Portugal. Un diálogo cunha importancia moi grande, por todo o que une aos dous pobos, e recordou todos os beneficios que ten para os dous territorios a conexión de Galicia coa rexión norte de Portugal, precisamente “despois de conseguir esta mesma semana o tren de alta velocidade que conecta as principais cidades galegas desde Madrid”, salientou.

240523_Pte_InfrLisboa_Xunta-3

Ademais, aproveitou para pedirlle ao Goberno español que cumpra os seus compromisos coa destinación dos fondos europeos para poder compatibilizar os avances a ambos lados da fronteira: “O que toca agora é dicir que todos os trámites deben acelerarse. Cada mes que pase é imprescindible”, sinalou.

Por último, Alfonso Rueda agradeceulle ao Ministro de Infraestruturas de Portugal o encontro, e valorou todo o que puideron tratar: “falamos doutros temas de interese e quedouse aberto unha canle de comunicación moi importante respecto a infraestruturas da Xunta que se desprazan ata a fronteira portuguesa”, finalizou o presidente.

Rueda ratifica co Goberno portugués a prioridade da conexión de alta velocidade...
Comentarios