16 de julio de 2025, 23:10
O presidente da Deputación de Pontevedra, Luis López, participou esta tarde nos emotivos actos de celebración das Festas do Carme de Carril. O evento, organizado pola Confraría de Pescadores Santiago Apóstol de Carril, tivo como momento central a tradicional procesión marítima, un acto solemne no que se rendeu homenaxe ás persoas falecidas no mar.
A presenza de Luis López subliña o apoio institucional a unha das festas máis arraigadas e sentidas na comunidade mariñeira de Carril, que cada ano lembra a aqueles que perderon a vida nas augas.
