Pontevedra foi durante este domingo o epicentro do atletismo galego base ca disputa, durante a xornada de mañá, do Campionato Xunta de Galicia Sub14 por equipos.
Como era de agardar, ambientazo nunhas instalacións do CGTD ateigadas de público e atletas tomando parte nonesta cita que servíu para amosar os resultados do gran traballo de promoción que tanto as adestradoras e adestradores galegos, ao aviero dos clubs, están desenvolvendo ao longo da nosa comunidade.
Neste importante encontro tomaban parte un total de vintecatro equipos no que o máis importante foi a aprendizaxe e as boas actuacións, que tanto no deportivo como no de personal, de actitudes e valores, se poideron presenciar nas instalacións pontevedresas.
En canto a resultados, na categoría masculina foi moi disputada a primeira posición que finalmente recaerían na formación do Atletismo Narón por tan só un punto de diferencia en relación á Gimnástica de Pontevedra, segundo clasificado. O terceiro clasificado foi o Real Club Celta.
Nas mulleres foron precisamente as as viguesas do A. Fememino Celta quenes lograban a primeira posición nun bo encontro, seguidas do Ourense Atletismo e da Sociedad Gimnástica.
Destacamos a nivel particular o excelente rexistro logrado por Joel Santana do Celta nos 80 valos con 12.48 e a nivel xeral, o formidable campionato levado a cabo polos rapaces e rapazas dos clubs Coruña Comarca, ADAS CUPA, Beade, AVA, A Piringalla, Pinarium, Val Miñor, O Pino, Ría de Foz, Comesaña, A Silva, Lucus e Millaraio.
As Copas máster viaxan a Sada
O Club Atletismo Sada resultou gañador esta fin de semana en ambas categorías da Copa de Clubs máster por equipos que se levou a cabo nas pistas do CGTD de Pontevedra.
O equipo de As Mariñas sumaba na clasificación feminina uns emocionantes 78 puntos polos 77 do Samertolameu no que ven converténdose en todo un clásico nos últimos anos pola súa igualdade e alternancia. O Clube Deportivo de La Purísima acadaba o terceiro posto da clasificación xeral seguidas de Ourense Atletismo e A Silva.
Os triunfos parciais para as sadenses corresponderon a Montse Fernández nos 100 m.; Angeles Ripoll nos 1.500 m.; Inés Papín nos 3.000 m.; Tania Valverde na lonxitude; Helena Rey en peso; Loreto Brea en martelo; Emilia Rodríguez nos 3.000 marcha, así como a do equipo de relevos 4x100 m.
Na categoría masculina foi algo menos axustado o triunfo do conxunto sadense que conseguía impoñerse ao segundo clasificado, o Atletismo Santiago, por unha marxe de nove puntos ocupando a terceira posición o Samertolameu a tan só un dos santiagueses. Seguiron por orde de posición C.A.Narón, Marineda At., Atlética A Silva, La Purísima e Ourense Atletismo.
Foron victorias sadenses as protagonizadas por Francisco Jiménez na lonxitude e Fernando Míguez en triplo.
CINCO RÉCORDS GALEGOS
A nivel individual cabe salientar os récords galegos logrados por Marta Sureda (Lucus) no martelo W50 con 32.73 m.; Emilia Rodríguez (C.A.Sada) nos 3.000 marcha W45 con 16:20.41; José Cobian (R.C.Celta) na pértega M45 con 3.90; Carlos Alvarez (Samertolmeu) en altura M60 con 1.60 m. e Nuria Jones (La Purísima) no triplo W55 con 8.37 m.
María Martínez e Jesús Corro campións galegas e galegos de Trail Running na subespecialidade de montaña
A atleta independente María Martínez cun rexistro de 1h.16:50 e Jesse Jesús Corro do Atletismo Arenteiro con 59:21, proclamáronse campións galegos absolutos de Trail Running na súa subespecialidade de carreiras de montaña na edición desenvolta este domingo no Concello de Esgos.
O evento disputouse sobre un circuito que formaba una carreira “longa e rápida de 13 quilómetros en subida constante, moi asequible a nivel popular donde se alternan distintas pendentes permitindo un correr rápido e sen dificultade” segundo o informe do responsable de Trail Running da Federación Galega Iván Sangiao.
Ademáis das gañadoras e gañadores, ocuparon posto de podio na categoría absoluta Soledad Castro con 1h.19:05 e Sofía Freaza con 1h.21:07 ambas do Comesaña Sporting Club. En homes igualmente, o subcampionato foi parar a Antonio Teijido do Ría de Foz con 1h.00.15 e o bronce a Pablo Camescasse do C.D.Delikia con 1h.01:50.
No resto de categorías as gañadoras galegas e galegos foron os seguintes:
- Sub20. Valeria B. Guridi (S.D. Compostela)
- Sub23. Pablo Camescasse do (C.D.Delikia)
- Master35. Carla Trillo (Ría de Foz) e Antonio Teijido (Ría de Foz)
- Máster40. Sofía Freaza (Comesaña S.C.) e Javier Paredes (Ourense At.)
- Máster45. Oscar Guerra (Cambados Seguros Noval)
- Máster50. Aurora González (Pinarium) e Roberto Salvado (S.D.Compostela)
- Máster55. Sole Castro (Comesaña S.C.) e Jose María Levoso (Esprintes Ou.)
- Máster60. Antonio Bermúdez (Noitebra)
- Máster65. Manuel Suárez (Veteranos de Samil)
