O Grupo de Gaitas Canavelas de Matama, un referente musical con dous Mestres de prestixio

Poucas formacións poden presumir de contar entre os seus responsables con dous Mestres cun currículo interpretativo tan destacado como o do Grupo de Gaitas Canavelas de Matama.

Lucía Comesaña (1983) posúe unha impresionante traxectoria académica e artística. É titulada Superior nas especialidades de instrumentos da música tradicional e popular, así como en etnomusicoloxía. Ademais, conta cun máster universitario en patrimonio musical e é titulada profesional en clarinete, instrumento do que tamén cursa estudos superiores, complementando a súa formación co estudo da zanfona.

A súa excelencia foi recoñecida con numerosos galardóns e mencións, entre os que destacan a Beca de Investigación en Folclore 2024 (CIOFF España-INAEM), o Premio Fin de Carreira en Ensinanzas Artísticas Superiores (Consellería de Cultura, Educación e Universidade - Xunta de Galicia), o Premio e Extraordinario Fin de Carreira (CSM Vigo), o Segundo Premio no V Concurso de Interpretación Musical "Ciudad de Baeza-Xaén", así como varios premios en concursos de música tradicional co cuarteto "Painho do mal tempo".

Como intérprete, cómpre salientar a súa faceta solista, na que foi acompañada por agrupacións de renome como a Orquestra de Ventos do Conservatorio Superior de Música de Vigo, a Banda de Música de Pontevedra, a Banda Municipal da Coruña, a Banda BingreCanelense de Aveiro, a Banda Sinfónica "Ciudad de Baeza" (Xaén) e diversas Bandas de Música Populares da xeografía galega.