jueves. 28.03.2024

Volve a Feira de Oportunidades de verán a Ponteareas e faino con enerxías renovadas. Terá lugar o sábado 6 e o domingo 7 de agosto: dous días completos nos que o público asistente poderá desfrutar das mellores ofertas da tempada no comercio local.

Nesta nova edición, a Feira de Oportunidades de Ponteareas será, ademais, unha grande festa que incluirá unha concentración de vehículos clásicos o domingo día 7, a visita dos marabillosos personaxes Mickey e Minnie, un inchable acuático e pintado de caras para as e os máis pequenos.

A feira, que ocupará as rúas Esperanza, Oriente e Praza de Bugallal, rematará co sorteo dunha bicicleta que será entregada polo gran campión de España de ciclismo Álvaro Pino en persoa.

A alcaldesa de Ponteareas, Cristina Fernández Davila, agradece a súa implicación a todo o comercio local e convida “a todas e todos os ponteareáns a achegarse á feira para apoiar ao pequeno comercio e á hostalería, e ao mesmo tempo, gozar dunha fin de semana festiva e única na nosa vila”.

Feira de Oportunidades de Ponteareas
Comentarios