A Coruña acollerá os días 4 e 5 de febreiro a terceira Cume Mundial sobre IA Responsable no ámbito militar (REAIM)

O Ministerio de Asuntos Exteriores, Unión Europea e Cooperación e o Ministerio de Defensa, xunto ao Concello da Coruña, lideran a organización en España da terceira Cume Mundial sobre Intelixencia Artificial Responsable no Dominio Militar (REAIM), que se celebrará na cidade herculina os días 4 e 5 de febreiro.

A ministra de Defensa, Margarita Robles, e a alcaldesa da Coruña, Inés Rey, intervirán no acto inaugural, que abrirá unha cimeira de dous días na que se darán cita representantes de gobernos, industria, mundo académico e sociedade civil. O programa incluirá paneis, mesas redondas e relatorios de persoas expertas, con sesións abertas á prensa.

O mércores 5 de febreiro está prevista a foto de grupo das delegacións participantes e o segmento de alto nivel de clausura, no que tomará a palabra o ministro de Asuntos Exteriores, Unión Europea e Cooperación, José Manuel Albares.

A Cume REAIM 2026 incorporará tamén unha área expositiva na que se presentarán casos de uso práctico de IA por parte de compañías desenvolvedoras, coa exhibición de ferramentas “in situ”.

A iniciativa REAIM constitúe o principal proceso internacional orientado a favorecer o intercambio de ideas para avanzar na identificación de principios que garantan un uso responsable da intelixencia artificial no ámbito militar. España defende que é o momento de dar pasos “concretos, prácticos e realistas” para traducir os principios acordados nas dúas cumbres anteriores en medidas eficaces e verificables.