Mos homenaxea a Verónica Presa e Luis Argüelles, Campións Galegos de Arco Composto

Esta tarde celebrouse no salón de sesións do Concello de Mos a recepción aos arqueiros do mosense Club Tiro Con Arco Archers Team, Verónica Presa e Luis Argüelles, pais do tamén campión Xes Argüelles, polos resultados obtidos o pasado mes de decembro no Campionato Galego de Tiro Con Arco en Sala.

O domingo 18 de decembro, disputouse o Campionato Galego de Tiro Con Arco en Sala, nas instalacións do CPR SEI San Narciso, en Marín.

Neste campionato os nosos arqueiros do Club Tiro Con Arco de Mos Archers Team, Verónica Presa e Luís Argüelles, que son ademais matrimonio, proclamáronse campións galegos na modalidade de arco composto.

Doutra banda, Luis conseguiu o récord de España de sala en eliminatorias, con 150 puntos de 150.