A Carreira Popular de San Telmo recada máis de unha tonelada de alimentos para SOS Tomiño–Baixo Miño

A Carreira Popular e Solidaria de San Telmo, I Memorial Xosé Martínez Tato, culminou cunha exitosa recollida de alimentos, alcanzando os 1.074 quilos grazas á xenerosidade de todos os participantes. O evento deportivo foi organizado conxuntamente polo Concello de Tui e o Club Atletismo Tui.

Voluntarios de SOS Tomiño – Baixo Miño foron os encargados de recoller as doazóns o mesmo día da carreira. Entre os alimentos máis achegados destacan a pasta, o arroz e o leite, aínda que tamén se recibiron garavanzos, azucre, conservas, fariña, tomate frito, cacao soluble, galletas e aceite.

Dende o Concello de Tui expresaron o seu agradecemento a todas as persoas que contribuíron con alimentos para SOS Tomiño – Baixo Miño, subliñando a importante labor que desenvolve esta asociación asistencial. Así mesmo, o concello tamén agradeceu a colaboración de todas as persoas e entidades que fixeron posible a celebración da proba deportiva, especialmente ao Club Atletismo Tui, coorganizador da carreira.