lunes. 15.07.2024

'Ponte... nas Ondas!' camiño de ser declarado Patrimonio Cultural Inmaterial da Unesco

Ponte... nas Ondas (PNO!) naceu hai máis de 25 anos nas escolas de Salvaterra de Miño e Monção e desde entón non deixou de medrar. Co impulso da Asociación Cultural e Pedagóxica do mesmo nome, o seu obxectivo “é salvagardar o patrimonio cultural inmaterial na fronteira portuguesa-galega mediante a creación de espazos nos que o patrimonio pode practicarse e transmitirse ás xeracións máis novas”, indica o informe.

Ponte... nas Ondas!, a candidatura conxunta da Galicia e Portugal que aspira a entrar no Rexistro de Boas Prácticas de Salvagarda do Patrimonio Cultural Inmaterial da Unesco, vén de superar o último trámite necesario previo á súa inscrición. O órgano de avaliación acaba de emitir informe favorable, polo que recomenda que a proposta sexa inscrita, algo que se decidirá no 17 Comité Intergubernamental que se celebrará en Rabat do 28 de novembro ao 3 de decembro.

En total, catro candidaturas de todo o mundo aspiran a obter este recoñecemento. Para Galicia sería a primeira distinción nesta materia. No informe, que xa está a ser analizado pola Consellería de Cultura, Educación, FP e Universidades, os examinadores felicitan aos responsables “por un arquivo ben preparado que destaca a participación”. O propio conselleiro Román Rodríguez participou hai uns días nun acto en Santiago onde transmitiu o seu apoio á candidatura, presentada en marzo de 2021 coa mediación da Xunta. 

Ponte... nas Ondas (PNO!) naceu hai máis de 25 anos nas escolas de Salvaterra de Miño e Monção e desde entón non deixou de medrar. Co impulso da Asociación Cultural e Pedagóxica do mesmo nome, o seu obxectivo “é salvagardar o patrimonio cultural inmaterial na fronteira portuguesa-galega mediante a creación de espazos nos que o patrimonio pode practicarse e transmitirse ás xeracións máis novas”, indica o informe.

CULTURA NO SISTEMA EDUCATIVO

Este modelo de ensinanza bota man das tecnoloxías da información e as comunicacións, nomeadamente da radio, na súa aplicación. Precisamente, en opinión dos examinadores da Unesco, “a combinación de radio, educación e patrimonio cultural é unha fórmula eficaz de salvagarda” nas escolas a ambos lados da fronteira galego-portuguesa.

Isto, afirman ,“permitiu que os mozos se impliquen nas súas propias tradicións” e “crea conciencia sobre a importancia do patrimonio cultural inmaterial”. Para logralo ao longo deste tempo concorreron factores como a formación do profesorado, a presenza de especialistas, o uso das tecnoloxías da información e os recursos radiofónicos.

“A integración da cultura intanxible no sistema educativo é outro resultado efectivo e factible do proxecto”, conclúe o informe, no que se subliñan os esforzos por un “desenvolvemento social inclusivo, o diálogo intercultural e a igualdade de xénero”.

Así mesmo, consideran que Ponte... nas Ondas! “fomentaría a paz e a cooperación entre sociedades de diferentes países”, especialmente en comunidades transfronteirizas en países en desenvolvemento. Por iso, opina que o modelo é exportable a nivel internacional.

'Ponte... nas Ondas!' camiño de ser declarado Patrimonio Cultural Inmaterial da Unesco
Comentarios