'Domingo de Andrade. A invención do Barroco'

O Consorcio de Santiago e Teófilo Edicións coeditan Domingo de Andrade. A invención do Barroco, unha obra impulsada pola Real Academia Galega de Belas Artes en colaboración coa Facultade de Historia da Universidade de Santiago e co patrocinio do Xacobeo 21-22. Nesta publicación, coordinada polo arquitecto Celestino García Braña e o catedrático de Historia da Arte da USC Alfredo Vigo Trasancos, participan un total de trece autores, arquitectos e historiadores da arte.

A publicación preséntase mañá martes no salón de actos da Facultade de Medicina da Universidade de Santiago, ás 19:00 horas. No evento estarán, ademais dos coordinadores, o alcalde de Santiago e presidente do Consorcio da Cidade, Xosé A. Sánchez Bugallo; o conselleiro de Cultura, Educación e Universidade, Román Rodríguez; o presidente da Real Academia Galega de Belas Artes, Manuel Quintana Martelo; a xerente do Consorcio de Santiago, Belén Hernández; e o responsable de Teófilo Edicións, José Luis Teófilo.