martes. 16.07.2024

Mañá xoves, 27 de abril, ás 19.15 h terá lugar na Biblioteca Municipal de Tui a sinatura do acordo de doazón da biblioteca de cine e doutras coleccións de Daniel Domínguez Pérez, o guionista tudense falecido no ano 2020, ao concello de Tui. O acto contará coa presenza do alcalde de Tui, Enrique Cabaleiro, e da viúva de Daniel Domínguez, María de los Ángeles García Domínguez.

Deste xeito a Biblioteca Municipal de Tui pasará a contar cunha sección especial integrada por preto de 2 mil obras especializadas en cine e con máis de 500 filmes en DVD.

En concreto a doazón realizada abrangue máis de 2 mil títulos con toda a colección de libros de cine, arte e fotografía de Daniel Domínguez. Tamén se recollen todas as súas coleccións de revistas de cine, de películas en DVD con máis de 500 títulos, e de carteis de cinema orixinais. Inclúese amais outros obxectos coma a colección de edicións de “A illa do tesouro” en distintos formatos e idiomas, e outros libros moi significativos na súa obra coma Moby Dick, ou a biografía Walter Benjamin, ou Fernando Pessoa, xunto a  recortes, fotos, debuxos e obxectos de decoración.

Grazas a esta doazón a Biblioteca Municipal de Tui pasa a contar unha das mellores bibliotecas especializadas en cinema de Galicia, que enriquecerá substancialmente a súa oferta de material audiovisual. A partir desta entrega a Biblioteca tudense comezará o labor de catalogación desta ampla colección de obras para poñela a disposición dos interesados no máis breve prazo de tempo posible.

O alcalde de Tui, Enrique Cabaleiro, agradeceu esta decisión da familia de Daniel Domínguez, que expresa a súa cercanía á nosa cidade e os seus veciños.

Daniel Domínguez Pérez (Tui, 1955 – Corrubedo, 2020) foi guionista cunha longa traxectoria.  Foi un dos autores de series de televisión e películas como Mareas Vivas,  As leis de Celavella, Pai Casares,  Miña sogra máis eu, A vida por diante e Branca Madison, entre outras. No ano 2002 recibiu o premio Mestre Mateo ao mellor guión por Terra de Miranda. Dirixiu as curtametraxes de ficción O Segredo e Río de Sombras, rodadas en Tui.

Foi un dos fundadores da Escola de Imaxe e Son de a Coruña e a súa erudición cinéfila quedou patente nas súas numerosas colaboracións como crítico de cine, pero sobre todo no seu excelente blog La escuela de los domingos. Pioneiro e figura clave do cinema e do audiovisual galego sendo unha das figuras clave deste sector nas últimas décadas.

Daniel Domínguez foi tamén concelleiro do Concello de Tui na primeira corporación municipal democrática.

A Biblioteca Municipal de Tui conta cunha sección especial integrada por preto de 2 mil...
Comentarios