12 de septiembre de 2022, 23:29
Máis de 1.700 variedades estarán presentes na V Feira Exposición Internacional de orquídeas. Planta de complexas flores de simetría fortemente bilateral.
Por quinto ano o Concello de Salvaterra de Miño converterase, no mes de setembro, na capital da orquídea coa presencia de 8 expositores que achegarán ao noso municipio máis de 1.700 variedades de orquídeas
Estarán presentes a Asociación Galega de Aficionados das Orquideas xunto espositores de Portugal, Brasil, Ecuador e Madrid. Por iso, vai ser unha exposición internacional.
No recinto do Parque Público da Canuda poderase ver e mercar Orquídeas así como asistir a conferencias e concertos musicais. Dous días para exaltar esta planta xa vinculada a este municipio do Condado. .
