viernes. 01.03.2024

Aproxímase unha

fin de semana navideña plagada de actividades en Mos. Mañá sábado 28 e o

domingo 29 de decembro, durante todo o día (en horario de mañá e tarde) o Club Xadrez

Mos organiza a VI edición do Torneo de Nadal Sub-2200. O Centro

Dotacional de Torroso acollerá a 100 participantes nunha das últimas probas

deste ano 2019. Do mesmo xeito que a pasada edición, tratarase dunha proba de

partidas clásicas, válidas para Clasificación Internacional, con ritmo de

reflexión de 60 minutos por xogador/a.

Tamén o sábado ás 18.00 horas no Pazo de Mos haberá unha actividade de

dinamización lingüística do Nadal en Rede da Rede de Dinamización Lingüística

da Xunta de Galicia titulada Os Merlos do Amencer, a cargo de Senén

Vaamonde, Manuel Dopico e Alfredo Dourado de A Roda.

E o domingo 29 de decembro ás

17.00 horas en Puxeiros, chega un dos grandes atractivos da programación

navideña mosense, o Certame de Rondallas de Mos, durante o que

desfilarán e actuarán, polo seguinte orde, as catro rondallas mosenses: en

primeiro lugar a Rondalla de Herville, seguida de Rondalla de Santa Eulalia de

Mos, a Rondalla de Torroso; e por último pechará o festival a Rondalla do

Santiaguiño, Guizán.

Tras gozar do espectáculo

ofrecido polos rondalleiros e rondalleiras as familias poderán achegarse ata o

Auditorio do Centro Dotacional de Torroso onde ‘La Murga Teatro’ presentará ‘Caperucita

Roja, la versión más loca de la historia’ con guión e dirección de Alfredo

Ávila. Unha representación dirixida ao público infantil que fará as delicias

dos cativos e dos seus pais. Será o domingo 29 de decembro ás 19.30 horas con

entradas a 7 euros, á venda na cafetería do propio Centro Dotacional.

Mos ferve en actividades nesta semana de Nadal